منہاج القرآن یوتھ لیگ، تحریک احیائے اسلام تحریک منہاج القرآن کا ہراول دستہ ہے۔ یوتھ لیگ دعوتی و تنظیمی علمی و روحانی اور تعلیمی و تربیتی پلیٹ فارم ہے جو امت مسلمہ کے نوجوانوں کوایمان اور عمل صالحہ کے ساتھ ساتھ تحریکی اور انقلابی بنیادوں پر قوم کی رہنمائی کا فریضہ سر انجام دے رہی ہے۔ اس سے وابستہ نوجوان اپنی تعلیمی و تدریسی اور معاشی سرگرمیوں کے ساتھ ساتھ غلبہ دین حق کی بحالی اور امت مسلمہ کے اتحاد و احیاء کے لئے جدوجہد کر رہے ہیں۔
منہاج القرآن یوتھ لیگ کا مقصد اولین نوجوانوں کی سیرت و کردار کو اس طرح تعمیر کرنا ہے کہ وہ دنیا کی امامت، قیادت کا فریضہ ادا کرسکیں اور معاشرے سے باطل، طاغوت استحصال اور ظلم پر مبنی نظام کا خاتمہ کر دیں اور ان کی جدوجہد کے نتیجے میں بالآخر پرامن مصطفوی انقلاب کا سویرا طلوع ہوجائے۔
اس حقیقت سے انکار نہیں کہ منہاج القرآن یوتھ لیگ کا باقاعدہ آغاز 30 نومبر 1988ء کو ہوا مگر اس منزل تک پہنچنے کےلئے جو ایک طویل اور پرکٹھن سفر طے کیا گیا وہ بھی اس سفر انقلاب کا باقاعدہ حصہ ہے۔ اس پس منظر کے بغیر یوتھ لیگ کا ذکر نامکمل محسوس ہوتا ہے پس 12 اکتوبر 1984ء کا دن تحریک منہاج القرآن میں اس اعتبار سے نہایت اہمیت کا حامل ہے کہ اس مبارک دن قائد تحریک نے اصلاح احوال، احیائے اسلام اور تجدید دین کے عظیم مشن کے سرگرم نوجوانوں کی تنظیم و تربیت کےلئے جامع مسجد رحمانیہ شادمان لاہور میں ایک الگ فورم کے قیام کا اعلان فرمایا۔ اپنے نوجوان قائد کی پکار پر پُرعزم نوجوانوں نے لبیک کہتے ہوئے مصطفوی انقلاب کی منزل کو حاصل کرنے کا عزم کیا۔ اس اجلاس میں یوتھ فورم کے نام کا اعلان اور اس کی انتظامی باڈی کی تشکیل ہونا تھی۔ نوجوانوں نے مختلف نام پیش کئے اور بالآخر ”سپاہ اسلام“ اور ”کاروان اسلام“ کے دو ناموں پر حاضرین کی کثیر تعداد متفق ہوگئی۔ آخر کار نوجوانوں کے اس فورم کا نام ”سپاہ اسلام“ رکھنے کا فیصلہ ہوا۔ یوں تحریک منہاج القرآن کے پہلے یوتھ فورم سپاہ اسلام کے قیام کا اعلان ہوا پھر اس کی مرکزی سطح پر گیارہ نوجوانوں پر مشتمل مرکزی کونسل تشکیل دی گئی۔
یوتھ لیگ کے دستور کی تیاری کےلئے پہلی دستور ساز کمیٹی تشکیل دی گئی جس نے مارچ 1988ء کو اس یوتھ لیگ کا پہلا دستور تیار کر لیا۔ اس دستور کا بنیادی خاکہ پروفیسر غلام یاسین منہاس نے تیار کیا تھا جو کمیٹی کے چیئرمین بھی تھے۔ دیگر احباب کے نام درج ذیل ہیں۔
منہاج القرآن یوتھ لیگ کے دستور کی تیاری کے بعد مورخہ 30 نومبر 1988ء کو قائد تحریک شیخ الاسلام ڈاکٹر محمد طاہرالقادری کی صدارت میں ایک خصوصی اجلاس ہوا جس میں یوتھ لیگ کی پہلی نو رکنی کنویننگ باڈی اور مرکزی شوریٰ کا اعلان کیا گیا۔ یوں 30 نومبر 1988ء منہاج القرآن یوتھ لیگ کا یوم تاسیس قرار پایا۔ کنویننگ باڈی میں شامل حضرات کے نام یہ ہیں :
بعد میں درج ذیل احباب کو بھی مرکزی ڈپٹی کنوینئرز نامزد کیا گیا۔
منہاج القرآن یوتھ لیگ کے انتظامی امور کو ابتداً، چھ شعبوں میں تقسیم کیا گیا۔
آفس انچارج کی ذمہ داریاں طاہر محبوب قادری ادا کرتے رہے۔
اسی ٹیم کی موجودگی میں یوتھ لیگ کا نمائندہ علمی، فکری، تحریکی اور تنظیمی شمارہ صدائے انقلاب کے نام سے شروع کیا گیا جس کے ایڈیٹر سید نوید قمر کو نامزد کیا گیا۔ ان کے ساتھ عملی معاونت اور رسالے کی تیاری کےلئے علی اکبر قادری، محمد رمضان قادری اور ندیم بٹ کی خدمات حاصل کی گئیں۔ بعد ازاں اس ماہنامے کی ادارت کےلئے ڈاکٹر ضیاءالحق سعیدی کی خدمات حاصل کی گئیں جو ایک صالح، مخلص اور علم دوست ورکر تھے جو بعد ازاں ایک روڈ ایکسیڈنٹ میں شہید ہوگئی۔ یقیناً ڈاکٹر ضیاءالحق سعیدی تحریک کا ایک عظیم سرمایہ تھے اور ان کی کمی ہمیشہ محسوس ہوتی رہے گی۔
مرکزی کنویننگ باڈی کے افراد کے علاوہ درج ذیل احباب کو نامزد کیا گیا۔
شعبہ جات کو مزید موثر بنانے کےلئے 21 دسمبر 1988ء کو مرکزی ورکنگ کمیٹی تشکیل دی گئی اہم نام درج ذیل ہیں:
29 مارچ 1990ء کو قائد انقلاب نے اشفاق حسین ہمذالی کو یوتھ لیگ کا پہلا ناظم اعلیٰ نامزد فرمایا۔ یہ عرصہ 19 جون 1992ء تک قائم رہا پھر 19 جون 1992ء سے دو سال تک مشتاق احمد قادری صاحب اس ذمہ داری پر فائز رہے۔
ایشیاء کی تمام سیاسی و مذہبی جماعتوں نے نوجوانوں کےلئے زیادہ کام سٹوڈنٹس ونگز پر کیا ہے جبکہ غیر طلباء میں بہت کم کام ہوا ہے۔ منہاج القرآن یوتھ لیگ ایشیاء کی سب سے بڑی یوتھ آرگنائزیشن کی حیثیت سے آگے بڑھ رہی ہے۔ تحریک منہاج القرآن نے اول روز سے ہی اپنے عظیم اور اعلیٰ مقصد کے حصول کےلئے امت مسلمہ کے نوجوانوں کو اپنی امیدوں کا مرکز و محور بنا رکھا ہے۔ یہی وجہ ہے کہ یوتھ لیگ کے پلیٹ فارم سے قیادت سازی کا فریضہ ادا ہو رہا ہے۔
2000ء میں پاکستان عوامی تحریک یوتھ ونگ منہاج القرآن یوتھ لیگ اور مصطفوی سٹوڈنٹس موومنٹ کے باہمی اشتراک پر مشتمل پاکستان عوامی تحریک یوتھ ونگ قائم ہوا تو محترم حبیب اللہ بٹ اور داؤد درانی بالترتیب اس کے چیف آرگنائزر منتخب ہوئے اس کے بعد عبدالقدوس درانی، امتیاز چودھری ایڈووکیٹ اور محترم وسیم ملک منہاج القرآن یوتھ کے مرکزی صدور منتخب ہوئے۔
منہاج القرآن یوتھ لیگ میں مندرجہ ذیل نوجوانوں نے مختلف ذمہ داریوں پر اپنی خدمات انجام دیں اور تحریک کےلئے اپنے شب و روز صرف کئے۔
اللہ رب العزت کے فضل وکرم اور پیغمبر انقلاب حضرت محمد مصطفی صلی اللہ علیہ وآلہ وسلم کی خصوصی توجہات و فیوضات سے قائد تحریک پروفیسر ڈاکٹر محمد طاہرالقادری کی زیر قیادت یوتھ لیگ نوجوانوں میں علمی وفکری، اخلاقی و روحانی، تعلیمی و شعوری، ثقافتی و سماجی، معاشی و سیاسی انقلاب بپا کرنے کےلئے کوشاں ہے جس کی دعوت درج ذیل پانچ بنیادوں پر قائم کی گئی ہے۔
نوجوانوں کی تربیت کا کام مرحلہ وار انہی عنوانات کے تحت ہو رہا ہے۔ منہاج القرآن یوتھ لیگ کی ہمہ گیر جدوجہد کا معروف عنوان ”مصطفوی انقلاب“ ہے جو ایک کامل تبدیلی سے عبارت ہے اور بیک وقت دعوت، اصلاح، تجدید اور ترویج و اقامت کے سب مراحل پر محیط ہے۔ منہاج القرآن یوتھ لیگ معروف معنوں میں ایک غیر سیاسی تنظیم ہے جس میں سرکاری و غیر سرکاری اداروں میں کام کرنے والے نوجوان بھی معاشرے کے دیگر افراد کی طرح بلاتامل شامل ہو کر اپنی خدمات سرانجام دے سکتے ہیں۔
منہاج القرآن یوتھ لیگ کی سرگرمیاں درج ذیل جہات پر مشتمل ہیں۔
1۔ دعوت: منہاج القرآن یوتھ لیگ کے پلیٹ فارم سے لاکھوں افراد تک مشن کا پیغام پہنچایا گیا ہے۔ یوتھ لیگ کی دعوت کے دو مقاصد ہیں۔
2۔ تربیت: یوتھ لیگ ہر سال تنظیمی و تربیتی پلان کا اجراء کرتی ہے۔
3۔ دورہ جات: MYL کے قائدین مختلف اوقات میں ملک بھر کے دورہ جات کرتے ہیں جس کا باقاعدہ شیڈول فیلڈ میں بھیجا جاتا ہے۔
4۔ قائد ڈے: MYL قائد انقلاب کی سالگرہ پر تقاریب کا اہتمام کرتی ہے۔
5۔ MYL ملک بھر میں مختلف میڈیکل کیمپ مثلاً فری آئی کیمپ ہیپا ٹائٹس سے تحفظ کا انعقاد کرتی ہے۔
6۔ MYL عید میلاد النبی کی خوشی میں ملک بھر میں مشعل بردار جلوسوں کا اہتمام کرتی ہے۔
منہاج القرآن یوتھ لیگ نے اہم ایشوز پر بڑی بڑی ریلیاں منعقد کی ہیں۔
عوامی تعلیمی منصوبہ جات کےلئے منہاج القرآن یوتھ لیگ سے رضا کاروں نے اپنی خدمات پیش کیں اور یہی عوامی تعلیمی منصوبہ جات بعد ازاں منہاج پبلک سکول میں تبدیل ہوئے۔
منہاج القرآن یوتھ لیگ کے ہر قسم کے اہداف اور پروگراموں میں یوتھ لیگ ریڑھ کی ہڈی کی حیثیت رکھتی ہے۔ وہ نوجوان جو بھوک، نفرت اور خوف کی بھول بھلیوں میں بھٹک رہا تھا جو منزل پر پہنچ کر بھی منزل سے دور تھا اسے راہ انقلاب میں مینارہ نور سے آشنا کرانے کا سہرا تحریک منہاج القرآن کے سر ہے۔
Copyrights © 2024 Minhaj-ul-Quran International. All rights reserved